VOV4.M’nông-Ƀư tĭng rgâl mhe rnoh mbrô ta nău tăch rgâl, n’hao nău ueh di kơl an năch dŏng, bâh khay 7/2022, Công ty Điện lực Dak Lak dôl mbơh ƀư rgâl mhe rnoh mbrô tâm ton tăch rvăt điện dŏng (ma săm ƀŭt) tât nău kan tâm ton bâh điện tử;. Tĭng nĕ, năch mô geh kâp gay ma ký tay nău tâm ton đah săm ƀŭt, ma kanŭng geh nchih rnoh mbrô ta OTP rnôk geh dơn nău njoăl bâh n’gâng kan điện bâh mbrô điện thoại lĕ mbơh ta năp.

Nău ƀư, rnoh mbrô năch geh mât jêng mô geh khuch tât nău trok prăk điện. Đah nău tâm ton điện tử, rnôk ta ăp ntŭk he gŭ,he kan, kanŭng geh internet lah năch dŏng mbra dơi lăp ta phần mềm kơl mbơh an năch dŏng, uănh nkô̆ nău tâm ton tăch rvăt dŏng điện, đă rgâl nău mbơh tơih lah geh, ƀư tĭng ăp nău kơl an bâh n’gâng kan điện. Aƀaơ, công ty điện lực Dak Lak geh rlău 506 rbăn năch geh dŏng điện đah nău ŭch dŏng pah kan. Nchrăp tât lĕ khay 6 năm ba kơi, công ty mbra ƀư lôch nău rgâl lĕ rngôch rnoh mbrô tâm ton dŏng điện bâh năch tât trong tâm kơl tâm ton dŏng ma điện tử.

Nuĭh rblang: Thị Đoắt