Ôi 13/11, UBND n’gor Dak Lak ƀư rƀŭn trực tuyến n’hanh na nê̆ đah ăp ntŭk gay tâm chră mkra khuch khat phŭt mrô 13-rơh phŭt dơi uănh lah ƀư khuch hô ngăn ta Dak Lak tâm âk năm bah năp. Tĭng nău mbơh, tât kêng măng 12/11, lam n’gor geh rlău 10. 000 jay plôk chor, 9.200 jay geh dak băm, 282 ntŭk ngih samƀŭt n’hanh 13 ngih dak si khuch djơh; 269 km trong hăn geh pĭch rlâm, 19 ntung  trong geh dak klôn rdu.

Khuch kơp bôk năp rlău 2.500 rmen prăk, tâm nĕ êng mât rong tui ka nklăp 1.300 rmen prăk. Jêh phŭt, Dak Lak lĕ rgum lĕ tahen mkra khuch khat, rgum kơl nkra lor điện, soih trong hăn tơm n’hanh răk koaih ngih samƀŭt, ngih wâl an nuĭh ƀon lan. N’gor Dak Lak lĕ tâm pă rlău 80 rmen prăk ntop kơl ndal, kơl nuĭh ƀon lan nkra ngih wâl, nkra tuch tăm n’hanh đăp mpăn nău rêh jêh phŭt. Nău kan dak si ndrel đah ăp ntŭk đăp păn uănh nđôi rjăp an ntoh nuh srê.