UBND n’gor Dak Lak mhe rgŏ jă rơh tâm rlong mha êng mbah rhơn nkah ndray 120 năm Nar njêng n’gor n’hanh ntơm rơh  tâm rlong joi gĭt Lịch sử 120 năm têh jêng, hun hao n’gor  Dak Lak.

Đah nkô̆ “Nđơr ŭch rdâk njêng n’gor Dak Lak ndrŏng uĕh, rsang rnglăy, săk tơm”, rơh tâm rlong mha êng mbah rhơn nkah ndray 120 năm njêng n’gor rgum tâm ăp nkô̆ khlay kơt, nê lah: nsrôih ƀư lôch jêh lam lĕ  rngôch n’hanh rlău rnoh tât, nău dơn kan tĭng nuih n’hâm  Nghị quyết Đại hội Đảng bộ n’gor  tâl 17 n’hanh ăp nău dơn kan bah Tỉnh ủy, UBND n’gor jao; ntrôl ngăch tĭng ƀư ăp ndơ kan, ntŭk nchrăp kan khlay, ăp bôk nău kan gưl neh dak. Tĭng nê, leo ƀư geh nău tam ăp trong leo tâm rlong gay tĭng ƀư lôch jêh  n’hanh rlău  ăp rnoh  tât kan, nău dơn kan dơi jao năm 2024; nkre đah tĭng ƀư kơt nti n’hanh ƀư tĭng nău mĭn, nuih n’hâm uĕh lŏng, trong gŭ rêh Hồ Chí Minh; geh trong nchrăp rdâk njêng nhih pah kan, đơn vị, n’gor hun hao nâp dăng nkre đah tĭng ƀư geh nău dơi pah kan, njrăng n’gang sa khâm n’hanh dăp rgum rtŭt glêh Đảng.