Tĭng jêh geh tă bah Bộ Giáo dục n’hanh Đào tạo mbơh tâm ôi 17/7, n’gor Dak Lak geh rlău 19.800 nuĭh đỗ tốt nghiệp THPT năm 2024, geh tât 98,31%. Bol rnoh âk hao 1,7% rđĭl đah năm 2023, yơn Dak Lak nha hôm gŭ tâm rmôt n’gor geh rĭng điểm thi dŭt đêt lam dak đŏng.

Na nê̆, rĭng geh điểm ăp môn thi bah n’gor Dak Lak geh 6,194 điểm, dâk 61/63 n’gor, nkual ƀon têh. Aơ lah năm tâl 3 mbro n’gor gŭ ta rmôt dâk bah kơi dŭt dăp điểm thi tốt nghiệp trung học phổ thông. Jêng geh nkô̆ nău dja, du kruanh Sở Giáo dục n’hanh Đào tạo Dak Lak an lah, săk blău ntĭm n’hanh nti bah n’gor aƀaơ hôm mpăng đêt. Du đêt nhih nti mô hŏ grêt dăch tâm pah kan ôp uănh, groi nđôi, năl gĭt rnôk ntĭm nti, nchrăp an rơh thi tốt nghiệp ƀư jêng nău dơi thi mô hŏ di kơt nău ŭch rŏng.