N’gor Dak Lak aƀaơ geh 1.069 bu ranh ƀon, nuĭh nsing nơm. Năm bah năp, rmôt aơ dŭt n’hâm râng rgŏ jă nuĭh ƀon lan hun hao wăng sa, n’hŭch ach o, ndâk njêng thôn ƀon mhe; mât rnă njrăng, rsaih nkra nău tâm rkeh; mât ndrăy ăp nău khlay văn hóa way ơm. Âk nuĭh hôm na nê̆ hăn lor nkra njêng, rgŏ jă nuĭh ƀon lan rgâl trong ƀư sa, jêng tâm ban ŭch rnôk ƀư tĭng ăp nău ntrŭnh, nău kơl ta ntŭk.

Ta rƀŭn nchră, ăp đại biểu nkoch âk nău ơm, trong ƀư na nê̆ rgŏ jă nuĭh ƀon lan hao rklaih ach o, rsaih nkra nău tâm rkeh, mât văn hóa, trơn du đăp mpăn ƀon lan n’hanh tâm rgop mât rnă njrăng đăp mpăn. Mpôl rdâk ƀư lĕ rnê rhơn 220 bu ranh ƀon, kranh thôn, nuĭh nsing nơm ntoh lư n’hanh 11 rmôt geh âk nău rgop nta an nău kan, ntop kơl joi trong nău rêh, n’hŭch ach o n’hanh hun hao wăng sa-rêh jêng nkual rnoi mpôl đêt.