Lơ 18/11, ta nar nkah 40 năm Nar nai ntĭm nti Việt Nam, ryơk ăp nŭih, rmôt nŭih nai nti kon se ntoh lư bah Dak Nông, rđau kan UBND n’gor Dak Nông lah rjăp: N’gor mra lŏ uănh kơl an, ntuh kơl âk lơn tay ân nau kan ntĭm nti, n’ăp ma drăp ndơ ndrel nuih n’hâm, kơl an ăp nŭih nai ntĭm nti kon se rlet rlau nau jêr gay dơi ƀư nau kan mât rong nŭih.

Di rnôk nkah nar nai nti Việt Nam, rđau kan n’gor Dak Nông hŏ pă nklâm ndơ gay ma nkah ăp cán bộ nai nti hŏ rlu ranh, ăp nau nti gĭt blau, pă bằng khen ân 35 nai ntĭm nti kon se ndrel ăp rmôt ntoh lư geh âk nau rgop ân nau kan ntĭm nti bah nkuăl. Ntoh nau tâm nar ƀư nau nkah, wa Hồ Văn Mười, Kruanh UBND n’gor Dak Nông lah rjăp, tâm rnôk nau văng sa mhe, nau rêh bah n’gor hôm âk nau jêr, yơn ntŭk kan ntĭm nti hŏ mô rlu rgâl mhe tâm nau kan mât, rgâl mhe nau kan ntĭm ndrel nti, ƀư ân geh săk tam ăp nkô̆ nau, nau kan, rgop nau lăp tâm nau dơi hun hao nsum bah n’gor./.