UBND n’gor Dak Nông mhe geh rđău đă nhih pah kan dơi kan n’hanh  n’gâng kan ta ntŭk gay hŭch bah ăp rơh hop mô lăng khlay, rgum ra uănh tay ngăn geh, kơi ntop ăp trong nkra nkhêp geh nău tât ndal trôk nar lơh khay mih. Bôk khay mih năm aơ, ta n’gor Dak Nông hŏ geh ăp rơh mih ntoch jong ƀư jêng geh ma nău dak rchoh, pĭch rlâm neh ta ăp nkual rđŭng dêh.

Kruanh njrăng n’gang trôk nar lơh, UBND n’gor Dak Nông hŏ rđău đă ăp n’gâng kan, ăp đơn vị, ăp nkuâl ra uănh tay, kơi ntop ăp trong nkra nkhêp geh nău tât na nê̆, lơn lah ta ăp ntŭk dơh geh tât khuch  geh ma nău băm dak, pĭch rlâm, rhuh neh... ăp nkuâl hŭch đêt rơh hop ma nău an ƀư rơh hop pơk sŏng dăng tât ăp gưl xã, n’hao dăng nkoch trêng n’hao nău gĭt êng njrăng n’gang trôk nar lơh tât nuĭh ƀon lan mô uănh lhơ bah năp khay mih. Ăp nuĭh tơm dak bât, nhih pah kan tuch tăm mât rong n’hanh ăp nkuâl ân ra uănh tay rnoh khlay gay nkra ngăch n’hanh lor nchrăp trong rƀŏng 4 nău kan ta ntŭk, mô an geh ndrât ndal.