Aơ lah nău kan geh ƀư bah dih rơh rƀŭn nchră lam ntur neh mpeh trôm pư̆ yôk ŭnh tal 20 dôl geh ƀư ta Dak Nông.

Tĭng ăp nău tâm ton, n’gor Dak Nông mbr geh nău kan kơl an, ntĭm nti, nta nău dơh nơih an doanh nghiệp ăp n’gor tâm rgop tăch rvăt sŏk ntil ndơ khlăy, ơm geh, OCOP, công nghiệp nkual ƀon lan ntoh lư...ta ntŭk tăch rgâl Dak Nông, tâm rgop ntĭm nti an ăp doanh nghiệp têh bar ding tâm kơl, tâm rgop pah kan tăch rgâl, joi uănh, sŏk dŏng ntŭk tăch rgâl drăp ndơ. Đah ăp n’gor tât râng tâm rgop kan ndrel mbra geh săch mbơh tơih ăp ntŭk geh nău dơi gay ma ƀư ntŭk tâm rgop mbơh ƀư ăp nkô̆ nău tâm kơl.