Ta nkual ƀon têh Kon Tum, Mpôl pah kan bah Đảng ủy Khối Doanh nghiệp Trung ương ƀư rƀŭn nchră hăn uănh trong kan ndâk njêng Đảng 5 năm (2020-2025) n’hanh ƀư tĭng trong ƀư tâm rgop trong kan đah Đảng ủy Tập đoàn kinh tế, Tổng công ty, Ngân hàng thương mại Ngih dak đah gưl ủy ƀon lan tĭng Nău ntrŭnh mrô 61 bah Ban Bí thư. N’gor Kon Tum aƀaơ geh 5 ntŭk nuĭh kan ăp Tập đoàn wăng sa, Tổng công ty, Ngân hàng thương mai Ngih dak geh rmôt Đảng đah 360 đảng viên mô geh tâm gưl ủy ta ntŭk.

Rlău ma nĕ, ta n’gor geh 9 ntŭk kan tâm ăp Tập đoàn, Tổng công ty geh rmôt Đảng mpeh tâm gưl ủy ta ntŭk đah dĭng lĕ 536 đảng viên. Jêh hăn uănh an saơ, ăp đảng ủy mpeh tâm Đảng ủy khối Doanh nghiệp Trung ương lĕ ntĭm rđău, ƀĭt joet ăp gưl ủy bah dâng ƀư tĭng uĕh trong kan tâm rgop đah N’gor ủy Kon Tum. Tâm rgop geh săk rnglăy tâm trong kan ndâk njêng rmôt kan chính trị rêh jêng, râng ăp ntrong kan bah ƀon lan tâm rgop đah nău kan bah doanh nghiệp...

Di rơh aơ, Đảng ủy khối Doanh nghiệp Trung ương jao an 100 mpông jay tâm kơl an rnăk ach o ta 2 xă dŭt jêr jŏt lah Mường Hoong n’hanh Ngọc Linh bah nkuăl Đăk Glei, đah dĭng lĕ khlay 6 rmen prăk.