Nar ntri (7/1), Đảng ủy Quân sự n’gor Dak Lak ƀư Tâm nchră mbơh lôch jêh tâm nchră tâl 15 Ban Chấp hành Trung ương Đảng khóa XIII n’hanh pah kan nkoch trêng, rƀŏng tât pah kan nchrăp Đại hội đại biểu lam dak tâl XIV bah Đảng; bầu cử đại biểu Quốc hội khóa XVI, Hội đồng nhân dân ăp gưl năm kan 2026–2031.

Ta tâm nchră, ăp đại biểu dơi đăm jru ăp nkô̆ tơm, glo n’gâng n’hanh ăp nkô̆ nău mhe, geh trong nchrăp têh jong dơi Trung ương tâm nchră, mĭn uănh, n’glêh an ta tâm nchră Trung ương 15. Đah mpôl tahen n’gor Dak Lak, nău đăm jru n’hanh tĭng ƀư jăp nuih n’hâm Tâm nchră Trung ương 15 bah Đảng dơi ntrŏng lah nău dơn kan chính trị rgum tơm, way mbro. Ăp gưl ủy, mpôl kan đảng đăm jru tay nău way Đảng rđău đă lĕ rngôch, na nê̆ mpeh ăp ntil đah Mpôl tahen; mât nâp ntŭk nsing nău mĭn bah Đảng tâm mpôl tahen; rgum rdâk njêng nhih pah kan tahen nâp dăng mpeh chính trị, ƀư ntŭk nsing n’hao săk blău rgum n’hanh suan dăng rdâng lơh.