Ôi 23/7, HĐND n’gor Dak Nông khóa 4 ƀư Rơh rƀŭn tal 8 gay uănh lah nu nău wăng sa-rêh jêng 6 khay bôk năm n’hanh mbơh ƀư ăp nău kan khlay ăp khay dŭt năm. 6 khay bôk năm, dĭng lĕ ndơ geh bah Dak Nông geh bơi 9.600 rmen prăk, hao rlău 5%, dăp tal 2 nkual Tây Nguyên. Sŏk ndơ̆ tơm prăk geh bơi 1.500 rmen prăk. Tâm dĭng lĕ 3.200 rmen prăk ntuh kơl nsum năm 2024, tât lĕ khay 6, n’gor mhe pă an prăk geh nklăp 27%.

Lơn lah tơm prăk 3 bôk nău kan rƀŏng tĭng lam dak ta n’gor aƀaơ pă an n’hanh sŏk ndơ̆ hôm e mbrơi. HĐND n’gor Dak Nông uănh lah, geh âk nău nkân, n’hŭch tâm hun hao wăng sa-rêh jêng bah n’gor. Tâm nĕ, âk wăk kol, vĭ vĕ dăp rgum khoáng sản, ngăn lah bô xít dôl ƀư khuch tât nău ƀư tĭng ăp nău kan wăng sa bah n’gor. N’gor Dak Nông kơp uănh geh tât rlău 1.000 nău nchrăp ƀư, ndơ ƀư ta rnoh neh 6.700ha geh rŭn in đah dăp rgum bô xít. N’gor lĕ âk rơh dăn đă tât Trung ương yơn tât aƀaơ mô hŏ dơi dôh rklaih.