Ôi 18/6, Groi Thủ tướng Trần Lưu Quang ƀư tơm rơh hop đah du đêt Bộ n’gâng kan Trung ương mpeh pah kan rgum hun hao ndơ dŏng kan báo chí, ƀoh rup, ƀoh ngơi, nkoch trêng nău lư điện tử, ntŭk ƀư njêng rơh năm 2021- 2030, uănh ngai tât năm 2050. Trong nchrăp dăp rgum n’gluh tât năm 2030: 100% nhih pah kan báo chí, ƀoh rup, ƀoh ngơi tĭng ƀư rgâl mbrô, rgâl lĕ rngôch nău kan, mât dŏng trong ntĭt leo nhih pah kan nchih rgum tĭng trong báo chí mbrô.

Ntuh kơl tay, hun hao 6 nhih pah kan nkoch trêng tơm âk ndơ dŏng nkoch trêng lah Radio ƀoh rup Việt Nam, Radio nău ngơi Việt Nam, Thông tấn xã Việt Nam, báo Nhân dân, Báo Quân đội nhân dân, Báo Công an nhân dân têh dăng, mât nău khlay têk leo tâm trong kan báo chí. Groi Thủ tướng Trần Lưu Quang jao Bộ Thông tin n’hanh truyền thông ra tay lĕ rngôch trong nchrăp đah nău way rgum tâm săk tơm, trong rƀŏng, ngăn ngăn, geh trong pơk hvi, yơn mô dơi tâm peng đah ăp quy định ăp dăp rgum êng ƀa ƀă n’hanh đăp mpăn geh nău dơi.