Lơ 31/3, Groi Thủ tướng Chính phủ Trần Hồng Hà lĕ ký uănh an Nău rgâl nkra dăp rgum nsum nkual ƀon têh Nha Trang tât năm 2040. Nău rƀŏng bah dăp rgum lah mât uĕh nkual ƀon têh pâl nđaih rlu rlău dak lêng đah ngih dak n’hanh lam ntŭr neh; tă bah n’hao uĕh ntŭk ntô n’hanh pâl nđaih nkual ƀon têh, ŭch uĕh ăp nuĭh ntuh kơl pâl nđaih têh lam ntŭr neh, âk ntil ndơ pâl nđaih, mĭn joi nâp nâl ndơ pâl nđaih geh ơm tâm ntŭk ntô dak lêng,  ntŭk ntô dak lêng n’hanh ntŭk ntô bri dak.

Nkual ƀon têh Nha Trang mbra lah nkual ƀon têh nklang ntŭk wăng sa, chính trị, văn hóa, khoa học, công nghệ, ntĭm nti nuĭh kan; mât ĕh săk rnglăy hao jêng wăng sa khlay, mpông lăp lam ntŭr neh bah n’gor Khánh Hòa. Nkual ƀon têh Nha Trang lah ntŭk wăng sa, khoa học kỹ thuật, ntĭm nti n’hanh dak si bah nkual duyên hải Nam Trung bộk n’hanh Tây Nguyên, ntŭk hành chính, wăng sa, văn hóa, khoa học kỹ thuật bah n’gor Khánh Hòa.