Lơ 14/5, n’gor uỷ Dak Lak rƀŭn nchră lôch 10 năm ƀư nau ntrŭnh mrô 30 năm 2014 bah Bộ Chính trị. Rơh rƀŭn hŏ mbơh âk nkô̆ nau geh tât nau kan dăp rgum, rgâl mhe ăp công ty mât tăm bri tâm n’gor Dak Lak mô hôm tam. Tĭng nê, du đê̆ nau kan, nau ntrŭnh ê geh dơi, ê tŏng, ƀư khuch ngăn tât ntŭk kan tăch rgâl ndrel nŭh ndơn mât. Trong kan mât rnoh neh ntu, bri ê geh ƀư jêh, ê tŏng dơi nau ŭch ngăn. Ăp công ty mât tăm bri ê ƀư ueh nau kan mât, njrăng bri geh jao. Du đê̆ công ty ƀư êng ăp nau kan, ân ntŭk êng, nŭih êng manh neh rnôk ê geh nau ân bah n’gor.

Nau kan kơp rnoh neh gay jao ân nkuăl mât ê geh ƀư tâm di, jêng nau phong dôih jŏ jong. Wa Nguyễn Đình Trung, Bí thư n’gor uỷ Dak Lak kơp dơn, nau kan dăp rgum, rgâl mhe ăp công ty mât njrăng bru tâm rơh rlau aơ ê geh dơi ăp nkô̆ nau nchrăp luh tâm nau ntrŭnh rmô 30 năm 2014 bah Bộ chính trị. N’gor ân geh uănh ndơn nau kan bah ăp công ty mât njrăng bri gay geh ăp nau kan ndrel nau đă ân tâm di njoăl tât Bộ chính trị, Chính phủ, Quốc hội./.