Nuĭh ƀon lan Gia Lai dôl tâm rnôk sreh tao năm 2023-2024. Răm rhơn yor tao năm aơ săk geh, tăch khlay, yơn ƀon lan dŭt n’hâm rvê yor nău ŭnh sa tao dơi geh ndal yor duh phang jŏ jong.

Bơi du khay plơ̆ ma aơ, ta ăp ntŭk mpeh bah lơ n’gor Gia Lai na nao geh nău ŭnh sa tao. Lĕ geh bơi 20 ha tao geh ŭnh sa ta ăp nkuăl Kông Chro, Đăk Pơ, Kbang n’hanh nkual têh An Khê. Nkual tăm tao mpeh bah lơ n’gor Gia Lai geh dĭng lĕ30.000 ha.

Tât rnôk aơ, nuĭh ƀon lan lĕ sreh nklăp 65% rnoh neh tao lam nkual n’hanh nchrăp mbra lôch ta dŭt khay 4 tât. Wa Nguyễn Hoàng Phước, Groi Giám đốc Ngih măy Sĭk An Khê an gĭt, ntŭk kan lĕ ƀư âk rơh rƀŭn đah ăp ntŭk, rnăk tăm tao, ndrel nchrăp mbơh ƀư ăp trong njrăng n’gang ŭnh sa tao tâm lvang hô duh nar kơt aƀaơ.