Aƀaơ lĕ rngôch ăp bôk nău kan lĕ dơi geh n’gor mbơh ƀư ueh, mât đăp mpăn kơl an ueh nău ŭch tât pâl rlưn, rlu rlău bâh năch. Đah bôk nău “Đà Lạt- nkuăl ƀon têh poăn yan kao”, Festival kao Đà Lạt tal 9 năm 2022 geh ƀư bâh khay 11 tât lĕ khay 12 đah nău kan lam ăp nkuăl, nkuăl ƀon têh tâm n’gor.

Ndrel đah 9 bôk nău kan tơm, tâm nĕ geh rơh rƀŭn nchră mbơh tơih bôk nău kan bâh chính phủ geh ƀư tĭng Nghị quyết mbrô 23 nar 6/10/2022 bâh n’gâng kan chính trị mpeh trong hun hao wăng sa rêh jêng, mât đăp mpăn rnă njrăng, mât ngih dak đăp mpăn ueh lăng ta Tây Nguyên tât năm 2030, mpŏng uănh tât năm 2045 n’hanh mbơh nău ntuh kơl ta nkual Tây Nguyên. Festival kao Đà Lạt rơh aơ hôm nha geh âk nău kan mpŏng tât gay ma năch tât rlu, pâl rlưn kơt nkuăl ƀon têh trà, cà phê, ndrănh vang, lễ hội khinh khí cầu, rơh tăch ndơ biăp kao, Carnaval trong ƀon têh, Đà Lạt- pâl nđaih ăp ƀon kao, ăp rơh rƀŭn nchră, tâm nchră khoa học, pla n’hơ, rơh tăch ndơ lam ntur neh.