VOV4.M’nông: Kêng măng 19/9, HĐND n’gor Gia Lai ƀư rƀŭn rơh rƀŭn tal pơh (nkô̆ nau) ƀư nau săch Kruanh UBND n’gor. Ta aơ, wa Trương Hải Long-Groi Bí thư n’gor uỷ Gia Lai geh 67/68 rnoh nŭih ntoh măt HĐND n’gor săch ƀư Kruanh UBND n’gor Gia Lai năm kan 2021-2026. Wa Trương Hải Long, deh năm 1976, ƀon tơm xã Yên Trung, nkuăl Yên Phong, n’gor Bắc Ninh, lăp Đảng năm 2004, lôch nti Đại học Khoa học xã hội và Nhân văn, Đại học Ngoại ngữ (Đại học Quốc gia Hà Nội);

Lôch nti Thạc sĩ Luật ndrel Lý luận chính trị gưl prêh, cử nhân anh văn. Lor ma geh săch ƀư Kruanh UBND n’gor Gia Lai, wa Long hŏ ƀư âk nau kan kơt lah: Groi Kruanh, Kruanh n’gâng kan Công chức, viên chứ, Bộ Nội vụ; Uỷ viên Ban cán sự đảng, Kruanh n’gâng kan Nội vụ, geh nchrăp đă ƀư Kruanh N’gâng kan Nội vụ lvang năm 2021-2026 ndrel geh Bộ Chính trị ân râng Rnâng kan rđau kan n’gor uỷ Gia Lai, ƀư Groi Bí thư n’gor uỷ tâm khay 9 năm 2022./.

Nŭih rblang: H’Thi