Ta tâm nchră Ban chấp hành Đảng bộ n’gor Gia Lai tâl 15 ƀư nar 5/4, Sở Giao thông Vận tải n’gor hŏ mbơh mpeh nău rgâl trong ntuh kơl Cao tốc Pleiku- Quy Nhơn bah trong ƀư tâm boh bah dih tâm trôm ngih dak jêng ntuh kơl tĭng trong ngih dak, tĭng nê mbra hŭch 6.500 rmen prăk đah weh kơp bôk năp. 

Wa Đoàn Hữu Dũng- Giám đốc Sở Giao thông Vận tải Gia Lai an gĭt, gay an ƀư ăp siƀŭt geh tât trong nchrăp kan, UBND 2 n’gor Gia Lai n’hanh Bình Định hŏ pah kan đah Tổng Công ty mât tơm prăk tâm kêng dŭt năm 2023. Kêng dŭt an saơ, trong nchrăp an ƀư cao tốc Pleiku- Quy Nhơn tĭng trong tâm boh bah dih tâm trôm ngih dak geh nău dơi, jêng ân gŭ mĭn tay tĭng trong ntuh kơl ngih dak. Yor kơt nê̆, Sở Giao thông Vận tải n’gor Gia Lai hŏ weh kơp tay, dăn đă rhuăt glêh trong cao tốc bah 151km jŭr hôm 143km n’hanh ntlơi mbor trong nsrŭng ndal ta ăp gâl ntung cao tốc. Ntơm bah nê, tơm prăk mbra hŭch ntơm bah 44.200 rmen jŭr hôm rlău 37.600 rmen prăk, hŭch rlău 6.500 rmen prăk rđĭl đah weh kơp bôk năp./.