Nar 14/5, ta nkual ƀon têh Pleiku,  Tỉnh đoàn Gia Lai ƀư Tâm nchră n’glôch jêh 10 năm tĭng ƀư nău ntrŭnh bah Bộ Chính trị mpeh ntrôl dăng kơt nti n’hanh ƀư tĭng nuih n’hâm uĕh lŏng, trong gŭ rêh Hồ Chí Minh n’hanh mpư rnê “Druh ndăm gĭt blău ƀư tĭng nău Wa”. Tâm 10 năm aơ, ăp mpôl kan Đoàn tâm n’gor Gia Lai kan nsum ƀư rlău 1.500 ndơ ƀư, gâl kan druh ndăm râng rdâk njêng ƀon lan mhe, nkual ƀon têh srăch uĕh; ƀư bơi 200 nău kan “Nar nai dak si mom ƀư tĭng nău Wa”, but săm, phăt dơm dak si an rlău 50.000 druh ndăm rchong kon se jê̆ n’hanh nuĭh ƀon lan geh nău rêh jêr jŏt. Mât kơn geh nău tam 110 trong leo ƀư ƀon druh ndăm “2 mô, 2 geh”, tâm nê rgum ăp nău kan ta ăp xã nsrôih tât rdâk njêng ƀon lan mhe n’hanh geh âk nău dơi ntoh lư….Nău pơk hvi trong ntĭt leo druh ndăm rchong kon se jê̆ gĭt blău tâm kơt nti n’hanh ƀư tĭng nău Wa hŏ dơi rêng  lam hvi, njêng suan ntrôl gay druh ndăm rchong kon se jê̆ Gia Lai rlău dơi jêr jŏt, njêng nău kan.

Kêng măng 14/5, Đoàn n’gor Dak Nông ƀư nau rnê nkhôm “druh ndăm blau ƀư tĭng nau Wa” ndrel “Đảng viên mom ntuh lư”. Ăp năm ma aơ, nau ntrŭnh ntĭm nti ndrel pah kan tĭng nau mĭn, nau rêh, nau kan Hồ Chí Minh hŏ geh ăp gưl kan đoàn râm n’gor ƀư n’hêl đah âk nau kan, ntrong kan tâm di, săk tam. Bah nê, saơ nar lơn âk nŭih bu ndăm ntuh lư geh nau blau, ăp nŭih mom geh nau nsôih, geh nau mĭn ueh, mro leo trong tâm nau kan ntĭm nti, pah kan, njêng nau mhe nsôih kơl an ân ƀon lan. Tâm nar rƀŭn mâp, Đoàn n’gor Dak Nông rnê 28  druh ndăm blau ƀư tĭng nau kan Wa Hồ ndrel 17 đảng viên mom ntoh lư n’gor Dak Nông lvang năm 2023-2025. Aơ lah ăp nŭih geh nau blau tâm nau kan ntĭm nti, pah kan, tuch tăm, nsôih lơh, mĭn njêng khoa học, rgâl nau blau mhe, ndâk nau kan, ndâk ƀon lan mhe ndrel râng kan đoàn, hội, đội.