Rmôt tahen n’har bri n’gor Gia Lai lĕ nchrăp ăp trong uănh nđôi, groi uănh, đăp mpăn rnă njrăng njok trong n’har bri đah dak băl tâm rơh Tết Nguyên đán. Ăp pôih tahen n’har bri tâm N’gâng kan ntĭm rđău Tahen n’har bri n’gor Gia Lai lĕ ndâk ƀư trong nchrăp mât njrăng n’har bri neh dak rơh bah năp, tâm n’hanh bah kơi Tết Nguyên đán.

Ăp ntŭk kan ƀư tĭng gĭt nu nău tâm trôm bah dih, n’har bri, ƀư tiăr nti ăp trong mât uănh, njrăng n’gang n’har bri n’hanh ăp trong nchrăp uănh nđôi lĕ rngôch, uănh nđôi ăp ding đah rmôt mât njrăng n’har bri mpeh Campuchia. Nkre, ăp ntŭk kan n’hao tiăr nti ăp trong, ƀư tĭng nău kơl nchrăp rdâng lơh, mô an geh nu nău ndal. Ndrel đah nĕ, rmôt n’har bri n’hao gĭt nu nău ta ntŭk, tâm rgop đah ăp rmôt kan dơi kan, n’gâng kan ƀon lan mbơh trong nchrăp njrăng n’gang nuĭh tih nkual n’har bri; rgŏ jă ntrong leo ƀon lan râng phong nău tih, ngăn lah nău tih tăch ntŭng way ƀư tâm rơh Tết.