UBND n’gor Gia Lai mhe ƀư rƀŭn nchră jao rnoh an ƀư hun hao wăng sa-rêh jêng năm 2026 an 135 xă, phường n’hanh ăp nău kan. Nău rƀŏng nsum lah ăp nău kan, ƀon lan an hao jêng 8,8% let lơ. UBND n’gor Gia Lai mĭn rgum hun hao khoa học-công nghệ, AI, chip bán dẫn, ŭnh nar nkra njêng tay, lŏ mir công nghệ mhe n’hanh wăng sa mrô.

Nău rƀŏng hao jêng rĭng geh nsum bah n’gor lĕ năm lah bah 8,8% tât 9,4%, đah trong hăn 3 khay geh 9,3%-10,0%; rơh 2 6 khay bah 8,0%-8,7%; 9 khay n’hanh 12 khay bah 8,9%-9,5%. Tĭng nkô̆ nău aơ, UBND n’gor Gia Lai jao ăp n’gâng kan nău kan, ƀon lan đăp mpăn hao jêng mô đêt rlău rnoh bah n’gor. Ta rƀŭn nchră, wa Phạm Anh Tuấn-Kruanh UBND n’gor Gia Lai mât uănh Kruanh UBND ăp xă, phường dơn lĕ rngôch nău kan, gay đăp mpăn mô du nău nchrăp ƀư geh rlu nsrŭng yor wăk kol neh ntu mô lah samƀŭt sam tra.