Gia Lai dôl tâm tâm yan vai, nau mra ŭnh sa bri hô, gưl V-gưl khuch hô ngăn. Rnôk aơ, ma rhiăng rbăn ha bri tâm ăp nkuăl bah n’gor Gia Lai dôl ma rdâng đah nau ŭnh sa tâm nklang yan vai. Tâm nê, nkuăl Chư Păh geh rlau 7.169 ha, rgum tâm ăp xã Hoà Phú, Nghĩa Hưng, Chư Đăng Ya, Đăk Tơ Ver, Ia Khươl ndrel nkuăl têh Phú Hoà tâm nau ŭnh sa hô. Ngăn lahm bri tơm n’ho 3 n’ha geh n’ha rŭng mbâl mra nơih ŭnh sa ngăn. Gay n’huch ŭnh sa bri, ntơm bôk yan vau, ăp nkuăl tâm n’gor Gia Lai ƀư nâp Rnâng kan rđau nau njrăng rdâng ŭnh sa bri, ndâk nau nchrăp rdâng.

Rmôt n’gâng kan n’hao nau nkoch trêng, mbơh ƀon lan dŏng ŭnh ân njrăng, uănh rjăp tâm khay vai aơ. Ăp rnâng kan mât njrăng bri tâm rgop ma n’gâng kan tâm nkuăl ndrel ntŭk mât njrăng bri ƀư nkoch trêng tâm ăp thôn, ƀon, nkah đă ƀon lan geh mir tâm êp mra bri mô dơi su ŭnh, nkre pâng nau mbơh nkah tâm nkuăl geh ŭnh sa./.