VOV4.M'nông: Wăng sa rêh jêng kon nuĭh n'gor Gia Lai 9 khay năm 2022 geh âk nău mpơl dâk hao tay dăng. Tâm nê, rnoh doanh nghiệp njêng mhe n'hanh lôch geh wăch rgum ntuh kơl, dơi geh âk da dê.

Ntơm bah bôk năm tât aƀaơ, ta n'gor Gia Lai geh rlău 740 doanh nghiệp dơi njêng mhe (hao bơi 17% rđĭl đah ndrel khay dja năm 2021), đah lĕ rngôch rnoh tơm prăk đăng ký rlău 7.400 rmen prăk. Mpeh wăch rgum ntuh kơl, UBND n'gor Gia Lai ŭanh an dŏng trong nchrăp ntuh kơl 6 trong nchrăp, đah lĕ rngôch tơm prăk rlău 600 rmen prăk. 15 trong nchrăp êng ƀa ƀă, lĕ rngôch rnoh prăk rlău 3.400 rmen prăk hŏ lôch jêh ƀư si ƀŭt, dôl dơi n'gor mĭn ŭanh. Tĭng wa Nguyễn Hữu Quế- Giám đốc Sở Kế hoạch n'hanh Đầu tư n'gor Gia Lai, gay ntŭk ntuh kơl kloh rvah, geh nău tâm ban lơn, n'gor nkre ntrôl ngăch rgâl dơh glêh si ƀŭt, nkre sŏk mplơ̆ lĕ trong nchrăp kan ƀư mô tâm di đah nău ton./.

VOV Tây Nguyên

Nuĭh rblang: Điểu Thân