Bol hŏ dŏng 3 rmen prăk ngân sách gay rdâk njêng, yơn chợ xã Hla nkuâl Chư Pưh, n’gor Gia Lai nha hôm ntlơi dơm đŏng. Nar lơn ma đêt nuĭh gŭ tăch ndơ ta chợ, ntrơn luh bah dih trong ta ăp n’glah puăn âk mpưm nuĭh gay tăch rgâl. Chợ xã Ia Hla (nkuâl Chư Pưh, n’gor Gia Lai) dơi rdâk ƀư ntơm bah năm 2020 n’hanh n’glăp dŏng bah năm 2021, đah rnoh hvi rlău 430m².

Dơi weh ƀư nâp uĕh đah ăp tŏng điện, dak, ntŭk njrăng n’gang puh n’hât ŭnh sa… Chợ geh 40 ndrơng ndơ tăch tâm trôm n’hanh 24 ndrơng ndơ tăch puăch ka geh chor ntưm. Lôch 4 năm rdâk njêng lôch kơt lah mô dơi dŏng, âk ntŭk hŏ jŭr khuch djơh, pih rêp hon mpưm. Bah năp nô nău chợ geh ntlơi dơm n’hanh ăp n’glah pe, n’glah puăn hôm tăch rgâl âk mpưm, roh đăp mpăn hăn ntung trong, UBND xã Ia Hla hŏ njêng ăp rmôt nkoch trêng, rgŏ jă nuĭh tăch rgâl ndrel  ăp rmôt nsŏng kơl, rmal prăk đah nuĭh tih rŭn in meng trong gay tăch rgâl.