Mbah rhơn đại lễ Phật đản nar bŏng khay 4 năm Giáp Thìn, jêng lah nar aơ 22/5/2024, ăp nar aơ ăp jay chùa ta lam dak dơi ntơr ang, rhăt jăp, rngot rngăt đah âk nău ƀư lễ rhơn Phật đản deh. Măng nđaơ 21/5, ta chùa Quán sứ, Hà Nội, Giáo hội Phật giáo Việt Nam wơt xá lợi Phật n’hanh ndeh nkao rhơn nar Đức Phật đản deh phật lịch 2568-dương lịch 2024 dăn an neh dak uĕh lăng, đăp mpăn.

Wơt xá lợi Phật n’hanh ndeh nkao rhơn Phật đsản deh ƀư ntơm bah 7 mông tât 9 mông, đah tât râng bah hang rbăn chư tôn, thiện đức, n’hanh âk tăng ni, phật tử n’hanh nuĭh ƀon lan uănh. Mpôl ndeh nkao n’hanh rup ndah Phật đản deh hăn ntơm bah ngih Trung ương giáo hội Phật giáo Việt Nam 73 Quán sứ, hăn rlău ăp nkual ƀon têh Lý Thường Kiệt, Bà Triệu, Trần Hưng Đạo n’hanh plơ̆ sĭt 73 Quán sứ, Hà Nội. Đah du hê tăng ni, phật tử lễ Phật đản lah nău răm rhơn, uĕh lăng, dơi ƀư tay, tâm rnglăp ndrel nău mĭn kơt Đức Phật hôm e rêh, trêng ntĭm ăp nău yô̆ rŏng, bôk rngok, ƀư nău uĕh mbra geh nău uĕh