Kêng măng 12/6, ta ntŭk kan Kruanh dak, Groi Kruanh dak Võ Thị Ánh Xuân mâp măt rmôt ntoh măt lah đội viên, kon se, ƀư nau kan Đội ntoh lư bah nkuăl ƀon têh Hồ Chí Minh râng nau kan “Oh ŭch neh dak Việt Nam” năm 2024 di rnôk rmôt aơ hăn khâl Thủ đô Hà Nội. Nkoch bri ma ăp oh, Groi Kruanh dak Võ Thị Ánh Xuân lah rjăp, tâm ăp năm rlau aơ, Đảng, Ngih dak ndrel ƀon lan nơm mro geh âk nau rŏng.

Nau kơl an ueh khlay ndrel pă nŭih ƀư nau kan ân nau mât chăm, mât đăp mpăn ndrel ntĭm nti kon se nthoi nau ueh ơm ang bah kon se jê̆ Việt Nam, ƀư ueh nuih n’hâm ơm yau bah rnoi nơm, lŏ choat tĭng ăp rơh nô, mbŏ hăn lor, mô rlu tâm rlong ntĭm nti, nchiăr săk, tâm di lah kon se gĭt nau, gĭt blau nti, đội viên ueh, sau gĭt mleh bah Wa Hồ./.