VOV4.M’nông: Kêng măng 16/9, Groi Kruanh dak Võ Thị Ánh Xuân ƀư tơm rơh rƀŭn Hội đồng tơm prăk kơl an kon se Việt Nam gay nchră tât nau tă geh bah nau kan Hội đồng kơl an 8 khay rlau aơ, ntrŭnh nau kan tâm ăp khay dŭt năm aơ. Groi kruanh dak Võ Thị Ánh Xuân lah rjăp, tâm rnôk jêr jŏt nsum, yơn đah nuih n’hâm ŭch ndrel nau kan têh, rmôt kơl an hŏ ndŏ luh nkô̆ nau bonh đă rgop 100 rmen tâm năm aơ gay ma kơl an ân 100 rbăn kon se ndrel hŏ geh rlau 50% nau nchrăp.

Gay n’hao nau kơl an âk lơn ân ăp kon se geh nau rêh jêr jŏt, Groi Kruanh dak đă Tơm prăk gay mât ân tâm dăch nau kan văng sa gay ma ndâk nau nchrăp năm tât mpeh nkô̆ nau kơl an kon se ndrel bonh đă tu tơm ân tâm di. Tâm nê ăp nau kan kơl an rgum tâm: n’hao nau ngêt sa ân ueh tâm di, kơl rek săm mbung ân kon se, kon se ji play nuih, ndâk ngih gŭ sa dĭng nar tâm ăp ngih săm ƀŭt mâp nau jêr./.

Nŭih rblang: H’Thi