Nkhêp di nkah gĭt Nar Nhà giáo Việt Nam, ôi 15/11, Groi Kruanh dak Võ Thị Ánh Xuân lĕ tât khâl, an ndơ Anh hùng Lao động, Nhà giáo Nhân dân Nguyễn Đức Thìn, ta phường Đình Bảng, nkual ƀon têh Từ Sơn, n’gor Bắc Ninh. Mô knŭng lah du nai ntrong leo, nsơr soan lĕ săk nơm an nău kan ntĭm nti, nai Nguyễn Đức Thìn lah nuĭh ƀư âk ntrong leo geh soan rêng hvi, tâm nĕ ntoh lư ngăn lah ntrong leo “Rbăn nău uĕh”.

Groi Kruanh dak Võ Thị Ánh Xuân khâl nhà giáo Nhân dân Nguyễn Đức Thìn.

Bôl lĕ rlău 80 năm yơn Nhà giáo Nguyễn Đức Thìn hôm e dŭt n’hâm, ŭch đah nău kan, ăp ndrôm nđơn, nău mpring bah nai lĕ nkoch nău ŭch an ăp rơh kơn nuĭh nai nti n’hanh ƀư tĭng. Groi Kruanh dak nkoch nău ŭch Nhà giáo Nguyễn Đức Thìn rgop dŭt n’hâm an nău kan ntĭm nti tâm dak; nkre dăn đă nău kan ntĭm nti n’gor Bắc Ninh rêng tay nău uĕh ang bah nai Nguyễn Đức Thìn gay ntĭm nti rmôt nai uĕh blău, tĭng đah nău kan.