Nar 15/7, Groi kruanh dak Võ Thị Ánh Xuân ndrel Mpôl đại biểu Quốc hội n’gor An Giang hŏ geh rơh mâp cử tri ta thị xã n’har bri Tịnh Biên, n’gor An Giang lôch rơh hop tâl 7, Quốc hội khóa XV. 

Lah ta rơh mâp, Groi kruanh dak Võ Thị Ánh Xuân đă tâm nô nău  rgâl  trôk nar lơn ma  hô n’hanh krit djơh lơn, dăn đă kruanh n’gor An Giang ân geh ăp trong nchrăp jŏ jong, đah trong tor gĭt lor na nê̆ ân rƀah ngăch trong dơh soih, ndăn dŏng săk  geh dơh uĕh gay n’hao săk tam, hun hao du trong lam lĕ rngôch. N’gor ân lor nchrăp ăp tơm ndơ bah n’gor, nkre ndăn nău nsum  ti, ŭch râng bah nuĭh ƀon lan gay njêng suan ntrôl đăt ndal tâm nău hun hao rêh jêng kon nuĭh. Đah ăp nkô̆ nău têh, rlău nău dơi kan ri ân ndăn ăp tơm ndơ bah Trung ương tâm ban kơt ăp tơm ndơ lam rêh jêng kon nuĭh gay ƀư wat jêh trong nchrăp ndơ̆ luh. Nkhêp geh rnôk dja, Groi kruanh dak Võ Thị Ánh Xuân ndrel Mpôl đại biểu Quốc hội n’gor An Giang n’hanh nuĭh lŏng nuih n’hâm hŏ kơl an 100 mblâm jay tâm rnglăp  an kônh wa  ach o ta n’gor An Giang.