Nkhêp di râng Khóa rƀŭn tal 68 Ủy ban ntŭk gŭ bu ur bah Hội đồng kinh tế, xã hội Liên hợp quốc ta New York, Hoa Kỳ, Groi Kruanh dak Võ Thị Ánh Xuân lĕ mâp ăp ding đah Tổng thống Thụy Sỹ Viola Amherd. Groi Kruanh dak Võ Thị Ánh Xuân uănh lah prêh ăp rgâl hao uĕh tâm boh Việt Nam-Thụy Sỹ jêh rlău 50 năm ndâk njêng tâm boh tâm rnglăp, ngăn lah ta ăp ntil nău wăng sa, tăch rgâl, ntuh kơl, văn hóa ntĭm nti, tâm nđŭr Nuĭh ƀon lan; dăn đă 2 ding nsrôih tay tâm rgâl mpôl ăp gưl, ngăn lah gưl prêh, gay ntrôl lĕ rngôch kan ndrel ăp ding n’hanh âk trong.

Tổng thống Thụy Sỹ Viola Amherd uănh lah prêh ăp nău geh wăng sa, rêh jêng bah Việt Nam tâm âk năm bah năp; mĭn lah Thụy Sỹ uănh khlay mro tâm boh dăch dêh, kan ndrel âk ntil đah Việt Nam, nkre an lah 2 dak hôm dŭt âk neh ntu, nău geh an kan ndrel wăng sa, tăch rgâl ntuh kơl. Tổng thống Thụy Sỹ nkoch nău mĭn êng bah Groi Kruanh dak Võ Thị Ánh Xuân mpeh nkô̆ nău, nău khlay bah nău tâm ban bu ur bu klô n’hanh n’hao nău dơi bu ur bah năp ntŭk ntô lam ntŭr neh rgâl kơt aƀaơ.