Ôi 29/1, Groi kruanh dak Võ Thị Ánh Xuân ndrel mpôl pah kan tât khâl n’hanh pă nklâm ndơ Tết ta n’gor Quảng Nam. Tĭng Groi kruanh dak, n’gor Quảng Nam lah me neh ât rdâng âk nău roh yot têh tâm lơh tâm su kăl e.

Ta aơ geh rlău 65 rbăn tahen ơm dăng janh khĭt, 15.339 Me Việt Nam dăng janh n’hanh 45.500 nuĭh dơi kơl. Groi kruanh dak Võ Thị Ánh Xuân dăn đă n’gor Quảng Nam nkre rgum nkra bah ăp nău rbăn lhơ mpăng đêt hŏ dơi ăp mpôl hăn ôp uănh, groi nđôi bah Trung ương nchŏng luh, nkre nsrôih tât lĕ ăp rnoh dơn kan khlay năm 2021 -  2025, ntơm bah nê njêng suan đăt ndal tâm rơh hun hao mhe. Nkhêp geh rnôk dja, Groi kruanh dak Võ Thị Ánh Xuân ndơ̆ an nchih ntĭt ndơ kơl an n’gor Quảng Nam rdâk njêng 10 mblâm jay tâm rŏng, lĕ rngôch rnoh khlay 500 rkeh prăk; ndơ̆ kơl 200 nklâm ndơ Tết kơl an rnăk dơi kơl n’hanh rnăk ach o ta n’gor Quảng Nam; kơl an 200 nklâm ndơ Tết kơl công nhân geh nău rêh jêr jŏt n’hanh rlău 200 rkeh prăk kơl kon se geh nău rêh jêr jŏt ta n’gor Quảng Nam.