Ôi 11/11, ta Hà Nội, Liên đoàn Thương mại n'hanh Công nghiệp Việt Nam ƀư Tâm nchră gưl têh doanh nhân bu ur 2022 đah nkô̆ "Ndrel hăn- ndrel têh dăng tâm ngăn ngăn mhe”. Groi kruanh dak Võ Thị Ánh Xuân râng tâm nchră.

Tâm nchră rgum tâm 3 rmôt nkô̆ nău lah: Dŏng công nghệ gay pơk hvi, hun hao n'hanh mât njrăng doanh nghiệp tâm ngăn ngăn mhe, dăp rgum tay tâm n'guăk doanh nghiệp; pơk hvi buăt nthoi "Ndrel dâk kan n'hanh ndrel hun hao". Lah ta rơh tâm nchră, Groi kruanh dak Võ Thị Ánh Xuân ŭch rŏng, ăp nuĭh rnâng kan wăng sa, ăp nuĭh tor lor trong kan, doanh nhân bu ur bah ăp dak ASEAN mbra ndrel tâm nchră n'gluh ăp nău mĭn mhe n'hanh dăn đă geh rnoh khlay, gay nta trong dơh an doanh nhân bu ur, doanh nghiệp tă bah bu ur ƀư tơm tât đah ăp tơm hun hao.

VOV/Nuĭh rblang: Điểu Thân