Ntoh ngơi ta rơh pah kan ta n’gor Bến Tre, groi kruanh dak Võ Thị Ánh Xuân dŭt rhơn rnôk năm ba năp nơh, dak he lĕ rlet rlău âk nău jêr, nău ntul rlong gay ma dơi geh du đê̆ nău dơi khlăy tâm lĕ rngôch ăp trong kan. Groi kruanh dak đă Đảng bộ, n’gâng kan n’hanh ƀon lan Bến Tre an geh nsrôih dŭt âk gay ma dơi geh ăp nău mpŏng kan ma Nghị quyết Đại hội ăp gâl ngluh mbơh, mât uănh ntuh kơl ăp ndơ dŏng, văn hóa, rêh jêng, dak si, ntĭm nti, nkual gŭ kan cách mạng.

Bâh nĕ, gay ma nuĭh ƀon lan n’hao ueh nău rêh. Di rơh aơ, groi kruanh dak Võ Thị Ánh Xuân pă ndơ an n’gor Bến Tre rdâk njêng 10 mblâm ngih tâm rnglăp, đah rnoh khlăy 500 rkeh prăk, rnoh prăk kơl an oh kon se Việt Nam pă an 200 rkeh prăk kơl an ăp oh geh nău rêh jêr jŏt. Nkre lah, pă an 200 nklâm ndơ an rnăk ach o, ăp rnăk dơi kơl geh nău rêh jêr jŏt, 200 nklâm ndơ an nuĭh pah kan, 200 nklâm ndơ an oh kon se geh nău rêh jêr jŏt ta n’gor, đah rnoh khlăy 700 rkeh prăk.