Nkhêp di Tết Nguyên đán Giáp Thìn 2024, ôi 25/1, Groi Kruanh Quốc hội Nguyễn Đức Hải lĕ khâl n’hanh mbah rhơn tết Trung ương Giáo hội phật giáo Việt Nam. Groi Kruanh Quốc hội Nguyễn Đức Hải njuăl nău mbah rhơn săk soan tât chư Tôn đức Ban Thường trực hội đồng trị sự, Trung ương giáo hội phật giáo Việt Nam. Rhơn giáo hội wơt năm mhe 2024 uĕh lăng, âk săk soan, dăn an neh dak, ƀon lan ăp jay hơm răm uĕh lăng.

Hòa Thượng Thích Thanh Nhiễu, Groi Kruanh Thường trực Hội đồng Trị Trung ương giáo hội phật giáo Việt Nam lah uĕh, nău uănh tât bah kruanh Quốc hội Việt Nam. Nkre an gĭt, Giáo hội Phật giáo Việt Nam mbra mât uĕh âk săk rnglăy tâm trong kan Phật sự năm 2024, hăn ndrel tay đah rnoi nuĭh, mât uĕh âk nău lĕ dơi geh, nkoch trêng, rgŏ jă Phật tử tĭng uĕh nău ntrŭnh bah Đảng, nău kơl pháp luật bah Ngih dak, n’hao prêh nuih n’hâm tâm rnglăp rnoi nuĭh rgop ndâk njêng du nău rêh uĕh lăng, đăp mpăn.