Ôi 19/7, ta nkuăl ƀon têh Quy Nhơn, n’gor Bình Định, Groi Groi Kruanh Quốc hội Trần Quang Phương ƀư tơm nar rƀŭn nchră sŏk nau rgop tâm nau nchrăp Luật rgâl mhe, ntop tay du đê̆ điều bah Luật pah kan mêt uănh bah Quốc hội ndrel HĐND. Râng tâm nchră geh ntoh măt bah Rnâng kan HĐND 10 n’gor, nkuăl ƀon têh miền Trung, Tây Nguyên ndrel Rnâng kan HĐND ăp nkuăl, nkuăl têh, nkuăl ƀon têh bah n’gor Bình Định. Jêh 8 năm ƀư tĭng Luật pah kan mêt uănh bah Quốc hội ndrel HĐND, nau kan mêt uănh bah Quốc hội, HĐND nar lơn ma n’hao nau dơi, nau tam, geh âk nau kan khlay, geh cử tri ndrel ƀon lan rnê prêh.

Tâm rnôk tâm nchră, ăp ntoh măt kŏ nchŏng luh ăp nau ê dơi tâm rnôk aơ bah Luật mêt uănh nau kan bah Quốc hội ndrel HĐND năm 2025 ndrel đă ƀư ân jêh nkô̆ nau nchrăp Luật rgâl nkra, ntop tay du đê̆ điêug bah Luật pah kan mêt uănh bah Quốc hội ndrel HĐND. Ntoh nau tâm nar tâm nchră, Groi kruanh Quốc hội Trần Quang Phương mbơh, rơh tâm nchră hŏ djăt âk nau rgop mbơh đă ueh bah ntoh măt Rnâng kan HĐND ăp nkuăl. Groi Kruanh Quốc hội Trần Quang Phương đă, tâm nau đă rgâl nkra bah Luật ân geh kơp tât ăp nau kan ngăn ngên dôl geh nkol, nau tih, nŭih, nau kan, nau ƀư ndrel ntrong geh dơi bah pháp lý ân geh tâm di nau đă./.