Lŏ bôk rơh khâl ndrel pah kan bah rmôt kan ntoh măt Quốc hội Việt Nam tâm Hungary, Groi Kruanh Quốc hội, Thượng tướng Trần Quang Phương hŏ tât mbah Kruanh Quốc hội Hungary Laszlo Kover.

Tâm rnôk mâp, Groi kruanh Quốc hội lah rjăp, Việt Nam mro uănh khlay ndrel ŭch n’hao nau tâm boh kan nsum đah âk ding ma Hungary, lah dak kan nsum bôk năp ndrel lah du êng rnôk aơ bah Việt Nam tâm nkuăl Trung Đông Âu.

Groi Kruanh Quốc hội ŭch bar ding ân n’hao lơn nau tâm mâp ndrel tâm nchră rmôt kan ăp gưl, ngăn lah gưl prêh, tâm ăp ntrong kan bah Đảng, Chính phủ, Quốc hội ndrel tâm n’ur ƀon lan gay ƀư nâp ndrel n’hao lơn tay nau tâm rnơm chính trị ndrel nau tâm rbăng nsum, ƀư nau dơi gay pơk hvi nau tâm boh bar ding tâm âk nau kan. Kruanh Quốc hội Hungary lah rjăp, Việt Nam lah dak kan nsum khlay bôk năp bah Hungary ta Đông Nam Á. Quốc hội Hungary mro ŭch jêng n’gâng tơm khlay ân nau tâm boh kan nsum đah bar dak./.