Ôi 2/4, ta Ngih rƀŭn nchră n’gor Khánh Hòa, Thành ủy, HĐND, UBND, Ủy ban MTTQ Việt Nam nkual ƀon têh Nha Trang ƀư nkah gĭt 100 năm ndâk njêng n’hanh hun hao nkual ƀon têh Nha Trang (1924-2024); 15 năm Nha Trang dơi kơp dơn lah đô thị loại I mpeh tâm n’gor Khánh Hòa (2009-02024)

Groi Kruanh rnâng kan Quốc hội Trần Thanh Mẫn ndrel kruănh ăp n’gâng kan nău kan Trung ương, du đêt n’gor Nam Trung bộ-Tây Nguyên, kruanh n’gor Khánh Hòa n’hanh bơi 1000 cán bộ, nuĭh ƀon lan râng.

Ta nar ƀư nkah gĭt, Ủy viên Bộ Chính trị, Groi Kruanh Quốc hội Trần Thanh Mẫn an Huân chương Lao động Hạng 3 bah Kruanh dak an Đảng bộ, n’gâng kan n’hanh nuĭh ƀon lan nkual ƀon têh Nha Trang. Ntoh ngơi ta nar ƀư nkah gĭt, Groi Thủ tướng Trân Hồng Hà đă nkual ƀon têh Nha Trang, n’gor Khánh Hòa hăn lor rgâl mhe tâm trong rgâl mrô, ndâk njêng du đô thị thông minh, ndâk njêng n’gâng kan mrô, rgâl ntŭk ntô ntuh kơl tăch rgâl, đăp mpăn nău rêh jêng kon nuĭh, rnă njrăng, đăp mpăn n’hanh ƀon lan uĕh lăng.