Ôi 1/10, Thượng tướng Trần Quang Phương, Groi kruanh Quốc hội mhe mâp cử tri bah năp rơh hop tâl VIII, Quốc hội khóa XV ta xã Tịnh Khê, nkual ƀon têh Quảng Ngãi, n’gor Quảng Ngãi. Âk mpưm cử tri xã Tịnh Khê, nkual ƀon têh Quảng Ngãi mpơl âk nău wĭ wĕ, rvê mpeh nău rŭn in neh ntu, rdâk njêng mô geh nău way, tih dăp grep ntŭk gŭ rêh; du trong n’găp, trong kơl hôm khoah hŏ khuch tât nău nkra ăp trong kơl an ƀon lan.

 Groi kruanh Quốc hội Trần Quang Phương hŏ nchih nkah nău dăn đă bah cử tri n’hanh đă kruanh rđău kan n’gor Quảng Ngãi n’hanh ăp nhih pah kan rnâng kan rgum nkra n’hanh ơh nău cử tri. Đah nău dăn đă khlay lam dak, Mpôl Đại biểu Quốc hội nchih nkah n’hanh mbra njuăl ăp nău rgop tât ăp n’gâng kan Trung ương. Geh tât ăp kŏ kol tă bah Luật neh ntu mhe lăp dŏng ngăn, Groi kruanh Quốc hội Trần Quang Phương lah kloh: “12 rkeh nău rgop bah ƀon lan rgop mpeh Luật neh ntu dja rnôk nchrăp uănh an dŏng, sŏk nău rgop nuĭh ƀon lan lah dŭt khlay, aƀaơ droh rklaih dah âk ri ân kâp Luật lăp ngăn tâm nău rêh ri mơ dơi ơh.