Tâm rnôk hăn kan râng rƀŭn Nau geh mhe Châu Á tal 29 ndrel khâl, pah kan ta Nhật Bản, Groi Thủ tướng Chính phủ Lê Minh Khái hŏ tâm nchră ma Kruanh Hạ viện Nukaga Fukushiro. Tâm rnôk tâm nchră, bar ding ntoh nau rhơn bah năp ăp nhoat hun hao mpeh nau ueh bah nau tâm boh Việt Nam-Nhật Bản, đah nau nkah lah nau kan bar dak n’hao tâm boh kan nsum ăp ntil tâm khay 11/2023 ndrel ƀư rlau 500 nau kan di nkah 50 năm ndâk nau tâm boh nchră nau.

Groi Thủ tướng đă Quốc hội Nhật Bản kơl an bar dak n’hao nau tâm rgop nŭih kan, tâm boh pah kan, geh ăp nau kan kơl an nsum mpôl nŭih Việt Nam dôl rêh, ntĭm nti ndrel pah kan ta Nhật Bản. Kruanh Hạ viện Nukaga Fukushiro mbơh Chính phủ Nhật Bản mra geh nau kan n’hao nau dơi rêh ndrel pah kan ân nŭih Việt Nam ta Nhật Bản tâm rnôk rnoh prăl Yên jur thuk; ŭch Quốc hội bar dak tâm boh tâm ăp nau kan lam ntur neh ma bar ding uănh khlay./.