Ôi 27/3, Ủy viên BCH Trung ương Đảng-Groi Thủ tướng Chính phủ Hồ Đức Phớc ƀư tơm nar pah kan đah Ngân hàng Chính sách Xã hội gay uănh lah nu nău ƀư n’hanh nău kan bah NHCSXH tâm năm bah năp, nchrŏng trong, mkra nău kan tâm năm tât. N’glôn jêh nar pah kan, Groi Thủ tướng Hồ Đức Phớc nkoch kloh:

NHCSXH lah ngoăy tâm ăp “n’gâng tơm” tâm trong ăp nău kơl n’hŭch ach o, đăp mpăn nău rêh jêng ta Việt Nam, rhŏ nuĭh ach o n’hanh ăp nuĭh dơi kơl êng, mô an geh nuĭh ntlơi bah kơi. Đah trong ƀư mhe, n’gâng kan ƀĭt joet nar lơ jêh, di, rhŏ săk rnglăy nuĭh manh lah nuĭh ach o n’hanh ăp nuĭh dơi kơl êng. Groi Thủ tướng an rgop đah ăp nău dăn đă na nê̆ bah NHCSXH, jao ăp N’gâng kan nău kan mkra n’hanh tâm ôp tâm nchră tĭng nău dơi. Groi Thủ tướng mpŏng ŭch n’hanh nsing nơm năm tât, NHCSXH  hun hao têh dăng tay, tâm di nău ŭch hun hao wăng sa bah nău rêh jêng.