VOV4.M’nông - Yor khuch bah phŭt mrô 4, bah măng 27/9 tât nar 28/9, nkual Quảng Trị, Thừa Thiên-Huế, Đà Nẵng, Quảng Nam, Quảng Ngãi, Kon Tum geh mih dŭt têh đah rnoh dak mih âk 250-350 mm, geh ntŭk rlău 450 mm. Nkual Quảng Bình, Bình Định, Gia Lai geh mih têh tât dŭt têt đah rnoh dak mih âk 100-200 mm, geh ntŭk rlău 300 mm. Tât ôi ơm nar 28/9, phŭt mrô 4 lĕ hăn tâm neh kơh ƀư sial dăng ta ăp nkual Quảng Trị, Quảng Nam, Bình Định, Phú Yên, Kon Tum n’hanh Gia Lai, jêh nĕ, phŭt hăn nkual Nam Lào n’hanh hŭch jêng n’hach.

Groi Thủ tướng Chính phủ Lê Văn Thành ƀư tơm rơh rƀŭn Ban ntĭm rđău rdâng njrăng đah phŭt mrô 4

Ta rơh rƀŭn Ban ntĭm rđău njrăng rdâng đah phŭt mrô 4 măng nđaơ (27/9), Groi Thủ tướng Lê Văn Thành lah, phŭt dŭt dăng đah rlău gưl 13, gưl 14, dăng gưl 17, nkre mih têh. Yor nê, an rgum têh, rgŏ jă dŭt n’hâm ăp rmôt, lĕ trong chính trị bah Trung ương tât ƀon lan ƀư ăp trong gay wơt kơl nuĭh ƀon lan. Rdâng đah phŭt mrô 4 nuih n’hâm ndăn n’hanh ndăn lơn tay, lĕ rngôch yor nău rêh, drăp ndơ bah nuĭh ƀon lan bôk năp, mô an nuĭh ƀon lan yor wơt sŏk drăp ndơ ma khuch tât nău rêh.

VOV.VN/Nuĭh rblang: Y Sưng Phê Ja