Ôi 18/12, Groi Thủ thướng Chính phủ Hồ Quốc Dũng ndrel mpôl pah kan lĕ tât khâl, an ndơ n’hanh mbah rhơn Giáng sinh ta Tòa Tổng Giám mục Giáo phận Huế, nkre khâl, mbah rhơn kônh wa kon chroh ta lam nkual ƀon têh Huế. Ndơn măt kruanh Đảng n’hanh Ngih dak, Groi Thủ tướng lĕ an nkao, njuăl nău mbah rhơn tât Đức Tổng Giám mục Đặng Đức Ngân, ăp nuĭh chức sắc n’hanh lĕ rngôch ƀon lan kon chroh Giáo phận Huế wơt du yan Giáng sinh năm 2025 uĕh lăng, hơm răm, năm mhe 2026, ƀư uĕh tay nău way ơm rŏng dak, rêh “rêh, chroh uĕh”.

Goi Thủ tướng lah rjăp nău ƀư uĕh bah ƀon lan Công giáo tâm rnglăp lĕ rnoi nuĭh, rgop an nău hun hao wăng sa-rêh jêng bah neh dak. Ndrel nar, Groi Thủ tướng lĕ khâl, an ndơ 2 rnăk ƀon lan Công giáo geh nău rêh jêr jŏt ta phường Thuận Hòa n’hanh hăn uănh nđôi trong kan ndâk ƀư, nkra jay gŭ geh khuch khat yor trôk nar lơh, nău ƀư “Chiến dịch Quảng Trung” ntop kơl nuĭh ƀon lan đăp mpăn nău rêh ta xă Lộc An, nkual ƀon têh Huế.