Kêng măng 12/1, Mpôl pah kan bah Chính phủ tă bah Groi Thủ tướng Hồ Quốc Dũng ƀư Kruanh mpôl hŏ tât khâl nuĭh ƀon lan nkual dak bŭk ta xã Hòa Thịnh n’hanh pah kan đah UBND n’gor Dak Lak gay ôp uănh, ntrŭt ntrôl, an ƀư “Trong kan ndăng Quang Trung” rdâk njêng, nkra jay an ăp rnăk geh khuch khat lôch dak bŭk. Groi Thủ tướng tât ôp khâl, rgŏ jă du đêt rnăk geh tât khuch jru tâm rơh dak bŭk kêng dŭt năm 2025 mhe aơ, mbah rhơn kônh wa hŏ geh jay mhe tŏng geh ndơ gŭ rêh, đăp mpăn nău rêh.

Tĭng nău mbơh, tât nar 12/1, Dak Lak hŏ nkra lôch 892 mblâm jay geh khuch jru; tâm 606 mblâm jay ân rdâk mon mhe, hŏ ƀư lôch jêh 529 mblâm, geh tât rlău 87%, rnoh hôm ƀa ƀă dôl ndăng ngăch ƀư. Groi Thủ tướng Hồ Quốc Dũng đă n’gor Dak Lak rgum lĕ tơm ndơ, wat jêh 77 mblâm jay hôm ƀa ƀă di rnoh ngăch, nkre rdâk tay ngăch ntŭk ntô ndơ dŏng, tuch tăm mât rong, đăp mpăn joi geh trong rêh an nuĭh ƀon lan nkual dak bŭk.