Groi Thủ tướng Hồ Quốc Dũng mhe uănh nđôi ngăn n’hanh pah kan đah UBND n’gor Gia Lai mpeh nău mbơh ƀư “Nău kan Quang Trung” ntop kơl nuĭh ƀon lan nkra khuch khat trôk nar, đăp mpăn nău rêh. Ƀư tĭng nău kan, n’gor Gia Lai lĕ rgŏ jă rlău 1.200 cán bộ, tahen n’hanh 250 cán bộ, tahen công an na nê̆ râng ntop kơl ndâk ƀư, nkra jay gŭ an nuĭh ƀon lan.

Tât aƀaơ, lĕ rngôch  rlău 27.500 mlâm jay an nkra lĕ jêh; tâm rnoh 674 mlâm jay mhe, ta rlău 96% lĕ jêh, ăp jay hôm ƀa ƀă dôl dơi ndăn ngăch ƀư, nsrôih jêh ta năp lơ 15/1/2026 tĭng ntĭm rđău bah Thủ tướng Chính phủ. Groi Thủ tướng uănh lah prêh nuih n’hâm lĕ đah nău kan, tâm nău lăp dŭt n’hâm bah n’gor Gia Lai tâm nău ƀư tĭng “nău kan Quang Trung”, ndrel nău ntop kơl săk rnglăy bah rmôt tahen, công an. Groi thủ tướng đă ƀon lan kơp uănh tay tĭng rnăk ƀon lan gay ngăch mkra hôm nkân, đăp mpăn nuĭh ƀon lan wơt Tết Nguyên đán Bính Ngọ uĕh lăng, đăp mpăn n’hanh mbơh ƀư ăp trong mkra rnă njrăng jŏ jong.