Ôi 12/6 ta Nhih pah kan Chính phủ, Groi Thủ tướng Lê Minh Khái, Kruanh Ban rđău đă ƀư tơm rơh hop Ban rđău đă mât rnoh khlay ndơ bah Chính phủ an ƀư nău kan ăp khay hôm ƀa ƀă bah năm aơ. Groi Thủ tướng Lê Minh Khái lah rjăp, pah kan mât rnoh khlay ndơ bôk năm geh âk nău mpet jâk.  Nô nău wăng sa lam ntŭr neh jêr jŏt, mô gĭt năl lor. Hao khlay ndơ hŏ hŭch yơn nha ta rnoh prêh đŏng. Tâm dak, rnoh khlay ndơ geh âk nău mpet jâk, yơn nha hôm tĭng trong tor gĭt lor đŏng.

Ăp năm tĭng nău way, ăp khay bôk năm hao n’hanh hŭch mbrơi tâm khay 4, khay 5/2024. Bol ma kơt nê̆, Kruanh Ban rđău đă  mât uănh rnoh khlay dăn đă ăp n’gâng kan, ăp n’gor mô uănh lhơ tâm mât bôk kan. Gay lor nchrăp rdâng lơh đah ăp ntul rlong tâm pah kan mât rnoh khlay ndơ tâm ăp khay hôm ƀa ƀă bah năm 2024, Groi Thủ tướng Lê Minh Khái dăn đă ăp Bộ, n’gâng kan, ăp  n’gor lor nchrăp ntrôl dăng tĭng ƀư ăp trong nkra bah Chính phủ, Thủ tướng Chính phủ ta ăp siƀŭt rđău đă ƀĭt juet n’hanh  nău rđău đă bah Groi Thủ tướng ta ăp siƀŭt mbơh n’glôch jêh rơh hop rđău đă way ăp khay.