Lơ 28/1, Groi Thủ tướng Chính phủ Lê Minh Khái ndrel mpôl pah kan lĕ tât khâl n’hanh an ndơ Tết an ăp rnăk ach o, rnăk dơi kơl ta nkuăl Nậm Pồ n’hanh Mường Chà, n’gor Điện Biên. Ta xă Si Pa Phìn, nkuăl Nậm Pồ n’hanh nkuăl têh Mường Chà, nkuăl Mường Chà, Groi Thủ tướng Chính phủ Lê Minh Khái ndrel mpôl pah kan bah Chínhnh phủ lĕ an 240 nklâm ndơ Tết, đah dĭng lĕ khlay bơi 300 rkeh prăk an ăp rnăk a ch o, rnăk dơi kơl, cán bộ, công chức, viên chức, nuĭh pah kan geh nău rêh jêr jŏt.

Groi Thủ tướng lĕ ntăm biển jay tâm rnglăp an rnăk wa Giàng A Lồng, ta bản Chế Nhù, xă Si Pa Phìn, nkuăl Nậm Pồ n’hanh wa Lý A Nỏ, bản Huổi Chim, xă Ma Thì Hồ, nkuăl Mường Chà. Aơ lah ăp rnăk ach o bah n’gor Điện Biên, dơi ntop kơl 50 rkeh prăk gay ƀư jay tĭng bôk nău rgop tâm nchră 09 bah Ủy ban Trung ương Mặt trận Tổ quốc Việt Nam mpeh nău rgŏ jă ntop kơl ƀư jay tâm rnglăp an rnăk ach o n’gor Điện Biên rƀŏng tât nkah gĭt 70 năm lơh dơi Điện Biên Phủ.