Lôch rnôk dŭt jêh bôk nău kan kruanh rđău kan gưl têh năm 2024 ƀư ta Boston, Groi Thủ tướng Lê Minh Khái hŏ mâp măt n’hanh tâm ôp đah du đêt kruanh n’hanh doanh nghiệp têh bah Mỹ ta thủ đô Washington.

Ta rơh tâm ôp đah Kruanh Hội đồng nsŏng trong wăng sa Jared Bernstein, Groi Thủ tướng Lê Minh Khái an lah lôch rnôk n’hao têh tâm boh Têh jong lam lĕ rngôch tâm khay 9 năm 2023, bar dak mbra geh âk ntŭk lhoi n’hanh suan ntrôl mhe an tâm boh ta âk trong kan. Groi Thủ tướng an lah tâm boh wăng sa- tăch rgâl nar lơn ma geh nău dơi n’hanh nsĭt geh wăng sa na nê̆, lah ntŭk rgum tơm n’hanh suan ntrŭt ntrôl tâm boh bar  dak; dăn đă bar dak ƀư jêng ngăn ngăn n’hanh an ƀư geh nău tam nkô̆ hôr bah tâm boh têh jong lam lĕ rngôch. Wa Bernstein mpơl di nuih n’hâm mpeh nău hun hao tâm boh Việt – Mỹ, lơn lah tâm trong kan wăng sa- tăch rgâl – ntuh kơl; lah rjăp Mỹ mbra nta tay trong dơh gay n’hao dăng lơn đŏng tâm boh đah bar ding tâm let năp tay./.