Tâm rnôk hăn khâl ndrel pah kan tâm Nhật Bản ndrel râng rƀŭn nau geh mhe bah Châu Á tal 29, Groi Thủ tướng Lê Minh Khái hŏ geh rnôk tâm mâp ma Thủ tướng Nhật Bản Kishida Fumio. Groi Thủ tướng lah rjăp, Việt Nam uănh Nhật Bản lah dak kan nsum khay bôk năp ndrel jŏ jong, ŭch bar ding lŏ tâm rgop rjăp, ndrel Việt Nam ntrŭt dăng nau kan ngăn, săk tam bah nau tâm boh kan nsum ăp ntil nau kan mhe geh ndâk đah bar dak.

Groi Thủ tướng đă Nhật Bản uănh nau pă ân Việt Nam ăp tơm prăk manh ODA mhe đah nau geh manh ndrel nau kơl an thuk, nơih geh lơn, geh dơi tĭng nau kơl an tơm prăk gay ƀư nau hun hao nau kan tơm, têh mhe bah Việt Nam; ntrŭt dăng nau ntrŭnh pă tơm prăk ODA ân ăp nau kan tâm nau ntrơn rgâl mrô, ntrơn rgâl ndrih, ăp nau nkra trong loih ta Hà Nội, nkuăl ƀon têh Hồ Chí Minh./.