Kêng măng 21/6, Groi Thủ tướng Chính phủ Lê Thành Long ƀư tơm nar rƀŭn đah rđau kan ăp N’gâng kan, ntŭk kan geh tât nau kan ƀư rơh thi tốt nghiệp THPT năm 2024. Tĭng nau mbơh bah N’gâng kan ntĭm nti, rơh thi tốt nghiệp THPT năm 2024 geh ƀư đăp mpăn kơt lvang năm 2020-2023. Nau kan uănh thi mra geh tâm ăp nar 26, 27 ndrel 28/6, nau kan chấm thi geh ƀư tĭng nau nchrăp nsum ntơm lơ 29/6 tât lơ 14/7, mbơh nau geh bah rơh thi tâm rnôk 8 mông lơ 17/7 tâm N’gâng kan ntĭm nti ndrel tâm 63 n’gor, nkuăl ƀon têh.

Rnoh kon se đăng ký râng thi lah rlau du rkeh 71 rbăn kon se, hao rlau 45 rbăn kon se rđil năm e. Đah rnoh rlau du rkeh 71 rbăn kon se tâm lam 63 n’gor, nkuăl ƀon têh, mra geh nklăp 200 rbăn cán bộ, nau nti kon se, rmôt công an, tahen, dak si, điện lực...geh pă rgum râng nau thi. Groi Thủ tướng Lê Thành Long đă N’gâng kan ntĭm nti ndrel ăp n’gâng kan êng ân geh tâm rgop rjăp gay ndrel ma ăp nkuăl rdâng đah ăp nau tât ndal, nkre pơk trong nơih ngăn â ăp kon se râng thi./.