VOV4.M’nông – Groi Thủ tướng Lê Văn Thành n’hanh Mpôl pah kan lĕ hăn uănh nđôi, pah kan mpeh nu nău ƀư tĭng Bôk nău rgop an dăp rgum tach ndeh păr Quốc tế Nội Bài năm 2021-2030, uănh tât năm 2050. Ăp nău rgop ta nar pah kan ntơm tâm ban ŭch đah nkô̆ nău dăp rgum, tâm nĕ nău pơk hvi Tach ndeh Quốc tế Nội Bài tâm di 100 rkeh năch/năm lah dŭt khlay.

Groi Thủ tướng Lê Văn Thành uănh nđôi dăp rgum tach ndeh păr quốc tế Nội Bài

N’glôn jêh nar pah kan, Groi Thủ tướng Lê Văn Thành an lah đah ngăch rdâk nkra, hao jêng ngăch tach ndeh păr, nău Tach ndeh păr Quốc tế Nội Bài geh 50 rkeh năch/năm tâm năm 2030 lah dơi jêh. Groi Thủ tướng lah rjăp an ơm jêh, uănh an dăp rgum; jêh dăp rgum ngăch ƀư nău ntrŭnh ntuh kơl, ơm mbơh gưl dơi mkra. Groi Thủ tướng đă ăp n’gâng kan, nău kan, ntŭk kan, geh tât ndăn ƀư ăp nău kan dơi jao gay nsrôih ƀư trong mpăr n’hanh ăp jay năch kâp tâm năm 2024-2025.

Nŭih blang: Y Sưng Phê Ja